O CAE 112 Galicia tivo constancia, ao fío das 12:00 horas deste mediodía, da aparición do corpo sen vida dunha persoa na auga fronte á costa de Baiona. Segundo informou persoal do Servizo de Gardacostas de Galicia, foi unha embarcación particular quen avistou o cadáver e alertou aos servizos de emerxencia. Posteriormente, o corpo foi recuperado por unha patrulleira da Garda Civil, que se encarga, nestes intres, de realizar as correspondentes dilixencias.