ACIPOR fixo entrega oficial dos premios por participar na Xª Edición do Pinchorriño. Os premiados nesta ocasión foron a tudense Raquel Lorenzo Álvarez e a porriñesa Digna del Campo Pérez. O sorteo celebrouse na sede de ACIPOR coa presenza do Concelleiro de Comercio do Porriño, Marcelino Coto Troncoso, quen destacou o éxito do desta edición e “a importancia do Pinchorriño na dinamización da hostalería local cada ano, sendo xa un referente a máis alá do Porriño”.

 
Segundo ACIPOR, este a eidción de 2015 do Pinchorriño atraeu sen dúbida ao maior número de persoas dende a súa creación no ano 2006, o que obrigou á organización a distribuir ata 17.000 boletos de participación, dada a altísima asistencia aos establecementos participantes nesta edición, o que levou a que as estimacións oficiais de pinchos servidos polos establecementos participantes se elevase nesta edición a preto de 50.000 pinchos. A Presidenta de ACIPOR e do CCA Morea agarda que na edición de 2016, este número sexa inda maior.