A Presidenta da Deputación de Pontevedra, Carmela Silva, firmou onte co alcalde de Vigo, Abel Caballero, un convenio para a realización dunha escultura de Balbino o protagonista de "Memorias dun neno labrego" de Xosé Neira Vilas, pola Escola de Cantería.

A obra escultórica situarase na biblioteca municipal "Xosé Neira Vilas" da cidade de Vigo  e será desenvolvida pola Escola de Cantería da Deputación de Pontevedra en base a un debuxo feito polo propio autor sobre o protagonista de "Memorias dun neno labrego".

En concreto a escultura terá unhas dimensións de  1,40 metros de alto, por 40 centímetros de ancho e 30 de fondo.  Estará feito en granito silvestre extraído  de una canteira próxima á casa do escritor e contará cun peso aproximado de 300 kilos.