A alcaldesa de Mos, Nidia Arévalo, o concelleiro de Promoción Económica, Emprego e Novas Tecnoloxías, Óscar Soto; a directora do Obradoiro, Paloma Lambás, o edil mosense de Vías e Obras, Luis Alonso, e os dous arquitectos municipais visitaron onte as obras de mellora da contorna da Capela de San Amaro que comezaron a acometer os 6 alumnos-traballadores da especialidade de albanelería do Obradoiro de Emprego ‘Mellorar Mos’ o pasado mes de outubro.

Os traballos atópanse moi avanzados e a rexedora local mosense, Nidia Arévalo, aproveitou para anunciar que esta actuación ampliarase para facer unha mellora integral da zona de San Amaro, na parroquia de Petelos. Neste sentido, Arévalo informou de que os técnicos municipais xa están a traballar nun novo proxecto que incluirá obras que continúen a mellorar a contorna desta capela.

As actuacións que actualmente se están a acometer perseguen o obxectivo principal de optimización da zona circundante da Capela de San Amaro, situada no núcleo de Porteliña, na parroquia de Petelos. Gracias a elas ensánchase o ámbito aledaño da futura praza contigua á Capela, xa que o seu estado atopábase  moi  limitado pola trama viaria e ademais con abundante vexetación incontrolada.

Os diferentes traballos realizados nesta zona consisten en desbroce e limpeza da área a executar, excavación e nivelación do terreo, execución de terrapléns, construcción dun muro de mampostería bordeando a área, construcción de escaleiras tipo grada con área de repouso, pavimentación, lousado e adoquinado da área; axardinamento e completarase o proxecto cunha pérgola e mobiliario urbán, realizado polo alumnado da especialidade de carpintería.

O Obradoiro de Emprego ‘Mellorar Mos’ comezou o  17 agosto e rematará o 29 febreiro de 2016. Conta cun total de 19  alumnos-traballadores e está subvencionado pola consellería de Traballo e Benestar da Xunta de Galicia cun total de 169.249,15 euros.

Este Obradoiro conta coas expecialidades de Pavimentos e Albanelería de Urbanización (6 traballadores), Mecánica de Madeira e Derivados (7 traballadores) e Instalación e Mantemento de Xardíns e Zonas Verdes (6 traballadores).

‘Mellorar Mos’ ten un obxectivo fundamentalmente ambiental que pretende a revalorización de espazos públicos do municipio destinados ao esparcemento social e a mellora de espazos e zonas verdes do Concello, entre eles a Capela de San Amaro, na parroquia de Petelos, e o seu contorno, os xardíns de San Eleuterio, o Parque Municipal de Torroso, o contorno do Pavillón Óscar Pereiro, a Avenida de Sanguiñeda e rotondas da Costilleta e das Angustias, a rotonda das Leiteiras en Dornelas e o Contorno do Multiusos das Pozas, tamén en Petelos. Tamén realizaron labores de reposición de mobiliario urbán no Parque de Costoias (Tameiga), nos dous parques de Cela tanto no da Igrexa como no da Lagoa, e no contorno da Capela de San Amaro.

O obxectivo destes programas é, segundo informan Arévalo e Soto, converter a Mos nun territorio de oportunidades laborais. Para elo o Concello conta coa colaboración da Xunta de Galicia en accións tan importantes coma este obradoiro e que, entre outras vantaxes, permítelles ós seus beneficiarios e beneficiarias obter un certificado de profesionalidade de validez nacional que mellora o seu currículo e optimizará a súa empregabilidade.