A concellería de Medio Ambiente mosense que dirixe a edil Julia Loureiro organiza un curso de aplicador de productos fitosanitarios  que se impartirá na Axencia de Colocación de Mos e cuxo prazo de inscrición comezará o vindeiro luns, día 1 de febreiro, e rematará o luns 15 de febreiro (ambas datas incluídas).

Terán preferencia para inscribirse e participar  os empadroados no Concello de Mos. As persoas interesadas en realizar o curso deben formalizar a inscrición presentado un impreso debidamente cumprimentado no Rexistro do departamento municipal de Medio Ambiente.

O prezo desta acción formativa será de 50 euros para os veciños/as empadroados en Mos e 70 euros para as persoas non empadroadas. A taxa de exame pagarase a maiores e terá un importe de 8,83 euros en ambos casos.

O curso, homologado pola Xunta de Galicia, impartirase durante dous sábados: 27 de febreiro e 5 de marzo, en horario matinal de 09.00 horas a 14.00 horas; e de luns a venres, do luns 29 de febreiro ó venres 4 de marzo, en horario de tarde de 19.30 horas a 21.30 horas.

Os alumnos/as deste curso beneficiaranse da vantaxe de que poderán examinarse no mesmo lugar onde recibiron as clases, a Axencia de Colocación de Mos, sen necesidade de desprazarse a outros municipios para realizar a proba como viña ocorrendo ata o de agora.