O 11 de febreiro de 2009, a Comisión Europea asinou unha declaración conxunta co Parlamento e Consello Europeos, para establecer esta data como o “Día Europeo do 112”. Neste data organízanse diferentes actividades de sensibilización en toda a UE para promover a existencia e uso do número único europeo de emerxencias 112.
 

A comisión considera o número 112 como un dos instrumentos claves para a libre circulación de cidadáns dentro da UE. Este é o motivo polo que en 1991 se creou o número 112 que foi introducíndose progresivamente en todos os países da UE.

O obxectivo é seguir dando a coñecer a existencia deste servizo xa que, cada vez son máis frecuentes as viaxes e desprazamentos por Europa. Cada ano, 150 millóns de europeos viaxan a outro estado membro, por traballo ou por pracer e o 65% deles, séntense menos seguros cando están fóra do seu país. Este é o motivo polo que en 1991 se creou o número 112 que foi introducíndose progresivamente en tódolos países da Unión Europea como único número a través do cal se pode contactar cos servizos sanitarios, bombeiros e policía.

O Goberno galego ten o firme convencemento de que hai que seguir concienciando aos cidadáns dos beneficios deste número de emerxencia común, gratuíto e dispoñible as 24 horas, tódolos días do ano e en toda a Unión Europea, ademais de facer fincapé no uso correcto desta chamada de emerxencia, evitando mobilizar os recursos incorrectamente ou cando sexa innecesario.