O Concello do Porriño asegura que eliminará as barreiras arquitectónicas "en toda a vila"

A alcaldesa do Porriño, Eva García de la Torre, acompañada dos concelleiros de Vías e Obras, Manuel Carrera, e de Tráfico, Orlando Márquez, mantivo unha xuntanza co presidente da Confederación Galega de Persoas con Discapacidade (COGAMI), Anxo Queiruga, o responsable desta asociación na provincia de Pontevedra, Celso Álvarez, como paso previo a sinatura dun convenio entre o Concello e Confederación Galega de Minusválidos que permitirá adaptar a vila ás necesidades das persoas con mobilidade reducida.

Durante a reunión, na que estivo tamén presente Israel Mercader, integrante da lista electoral do PSOE nas pasadas Eleccións Muncipais e histórico loitador pola integración e a igualdade no Porriño, acordouse que o Concello elaborará un ‘Plan Director’ de eliminación de barreiras arquitectónicas en toda a vila que integrará o convenio entre o Concello e COGAMI, convenio que terá unha duración de catro anos.

COGAMI asesorará ao goberno local na realización de todos os proxectos que acometa a Concellería de Vías e Obras, nunha primeira fase en edificios e dependencias municipais, instalacións deportivas, beirarrúas, pasos de peones, mobiliario urbán e estacionamentos do casco urbán e, de seguido, no conxunto das parroquias.

Ademáis, o Concello impulsará un ‘Plan de Emprego’ que terá como finalidade a eliminación de barreiras.