A AAVV San Benito e San Sebastián celebrará o 26 de Febreiro a súa Asamblea Anual

A Xunta Directiva da AAVV San Benito e San Sebastián do Porriño ven de convocar a súa asamblea ordinaria de 2016 para o vindeiro venres 26 de Febreiro ás 20:15 horas en primeira convocatoria no salón de actos do Centro Cívico do Porriño (antigos Xulgados).

Na asablea a Xunta Directiva presentará o resultados das accións do ano 2015 e das contas da asociación, así como o programa de accións para o presente exercicio. Asimesmo, se presentará o IIº Informe de Necesidades do Barrios de San Benito e San Sebastián, no que se recollerá o estado actual das necesidades dos barrios e o seguemento das propostas realizadas ao concello do Porriño, principalmente a sinatura do convenio de colaboración co Concello e a realización de actividades.

Asimesmo se informará do proceso de actualizacion da asociación, do Plan de Actividades para o ano 2016 e daquelas iniciativas que soliciten e propoñan os socios/as.

Un ambicioso plan de actividades para 2016

Ademais dos xa tradicionais  eventos da Festa do Chouripán que o ano acadou un éxito sen precedentes de asistencia e racións, ou a tradicional Festa do Calacú, este ano a asociación prepara un ambicioso plan de actividades culturais, lúdicas, formativas e saudables que presentarán aos seus asociados. O obxectivo da asociación neste eido é o de dinamizar con elo os barrios e impulsar actividades de interese xeral e para os asociados. Dende cine na rúa, xornadas e conferencias, actividades culturais, cursos de formación ou andainas saudables, forman parte do plan de actividades para o 2016. A Xunta Directiva quixo agradecer tamén a bóa colaboracion coa Comunidade de Montes do Porriño que permitiu en 2015 dotarse de mellores mediios que redundarán na organización de novo tipo de eventos e actividades.

Aumento de socios

A eliminación da clausula dos estatutos que limitaba a pertenza á AAVV tan só aos veciños e veciñas que residisen nos Barrios de San Benito, San Sebastián e Cristo dos Cachos permite dende o ano 2015, asociarse a calquer veciño/a que resida na parroquia de Santa María do Porriño, feito que dende a Asociación agardan que sirva para atraer novos socios e ampliar a base social da mesma. Calquer interesado en asociarse pode facelo a través da páxina web da asociación ou do correo aavv.sbenito.sebastian@gmail.com