A Axencia de Colocación de Mos acolleu hoxe o acto de clausura do Obradoiro de Emprego Mellorar Mos, ó que asistiron o xefe territorial en Pontevedra da consellería de Economía, Emprego e Industria, Ignacio Rial Santomé, o delegado territorial da Xunta de Galicia, Ignacio López Chaves, a alcaldesa de Mos, Nidia Arévalo, o concelleiro de Promoción Económica e Emprego, Óscar Soto Abadín, así como outros membros do equipo de goberno local.

Este obradoiro, que comezou o 17 agosto do 2015, cun total de 19  alumnos-traballadores, foi subvencionado pola consellería de Economía, Emprego e Industria da Xunta de Galicia cun total de 169.249,15 euros, e contou con especialidades de Pavimentos e Albanelería de Urbanización (6 traballadores), Mecánica de Madeira e Derivados (7 traballadores) e Instalación e Mantemento de Xardíns e Zonas Verdes (6 traballadores).

Mellorar Mos tivo un obxectivo fundamentalmente ambiental que pretendía a revalorización de espazos públicos do municipio destinados ao esparcemento social e a mellora de espazos e zonas verdes do Concello, entre eles o contorno da Capela de San Amaro, na parroquia de Petelos, os xardíns de San Eleuterio, o Parque Municipal de Torroso, o contorno do Pavillón Óscar Pereiro, a Avenida de Sanguiñeda e rotondas da Costilleta e das Angustias, a rotonda das Leiteiras en Dornelas e o Contorno do Multiusos das Pozas, tamén en Petelos. Tamén se realizaron labores de reposición de mobiliario urbán no Parque de Costoias (Tameiga) e nos dous parques de Cela tanto no da Igrexa como no da Lagoa.

Nidia Arévalo, rexedora local mosense, declaraba que “Mos caracterízase por ser un Concello que dá prioridade ó emprego”. Coinciden  Arévalo e Soto na importancia de  converter a Mos nun territorio de oportunidades laborais, contando coa colaboración da Xunta de Galicia en accións tan importantes coma que hoxe rematou, e que, entre outras vantaxes, permitiulles ós seus beneficiarios obter un Certificado do Concello e un Diploma da consellería, convalidables nun certificado de profesionalidade con validez nacional, que optimizará a súa empregabilidade.

Actuación en San Amaro

Por outra banda, trala entrega de diplomas, as autoridades visitaron esta mañá as obras de mellora da contorna da Capela de San Amaro que acometeron os 6 alumnos-traballadores da especialidade de albanelería do Obradoiro de Emprego Mellorar Mos. Os diferentes traballos realizados nesta zona consistiron no desbroce e limpeza da área, excavación e nivelación do terreo, execución de terrapléns, construcción dun muro de mampostería bordeando a área, construcción de escaleiras tipo grada con área de repouso, pavimentación, lousado e adoquinado da área; axardinamento e a instalación dunha pérgola e mobiliario urbán, realizado polo alumnado da especialidade de carpintería.

Gracias a estas obras ensanchouse o ámbito aledaño da praza contigua á Capela, xa que o seu estado atopábase  moi  limitado pola trama viaria e ademais con abundante vexetación incontrolada.

Neste sentido, Arévalo informou de que os técnicos municipais xa están a traballar nun novo proxecto que incluirá obras que continúen a mellorar a contorna desta capela.