O Concello de Salvaterra de Miño xa ten todo preparado para poder dar o seu último adeus a defunta lamprea, no seu xa tradicional Enterro que percorrerá as rúas da Vila este sábado 20 de febreiro a partires das 18.00h

Un total de 15 carrozas con más de 1.400 participantes en comparsas desfilarán este sábado 20 de febreiro, a partir das 18.00 horas, durante o Enterro da Lamprea. As comparsas pertencen, ademáis de a Salvaterra, ós veciños municipios de Salceda, Ponteareas,  As Neves, O Porriño, Tui,  Mondariz e Mos.

Dende a Concellería de Cultura recórdanlle a tódalas persoas que queran participar como ‘Choronas’ na comitiva fúnebre do Enterro da Lamprea, vestidas de rigoroso loito, poden facelo sen inscrición, un xeito divertido de participar no noso Entroido”.

A saída do desfile de Comparsas e Carrozas do Enterro da Lamprea do Entroido 2016 é dende a rúa Rosalía e descorre o desfile pola rúa Castelao, Fonte da Vila, Dona Urraca e praza do Concello