Miguel Anxo Aldea Moscoso, Portavoz do Grupo Municipal do BNG de Mos di que o plan de transporte urbano para Mos proxectado inicialmente “era absolutamente inútil e que estaba abocada ao fracaso. Cun dúas rutas circulares de gran percorrido e con horarios totalmente alleos á realidade do uso que se podería dar, con dúas fecuencias de mañán e outras dúas  de tarde”.

Logo da súa presentación “o BNG puxo nun pleno a disposición de todos os partidos o que é o seu plan de transporte, moito máis completo en todos os sentidos. Obviamente parece que non caeu en saco roto, xa que o goberno utilizou parte do proxecto nacionalista, e o implementou na presentación que fixo estes días”.

Aldea dí que “aínda que non se queira recoñecer, debido á innata prepotencia do Partido Popular, o proxecto nacionalista deu sentido e futuro ao proxecto que se vai levar a cabo en Mos. Déronse conta de que o centro de saúde debe estar máis comunicado, e poñen tres frecuencias pola mañán e non dúas como ao principio; a saída é máis cedo, e non como inicialmente, e o percorrido moito se parece ao plentaexado polo BNG, pero aínda así alegrámonos de que se inicie”.

Aínda así, explica nun comunicado, “queremos facer notar que o transporte urbano do goberno é incompleto, fáltalle a terceira liña que plantexa o BNG, que serviría para a zona de Sanguiñeda, e parte de Pereiras, Mos o Polígono industrial, etc”.