Unha coñecida academia a distancia realizou un estudo de previsión das ofertas de emprego para os titulados en Formación Profesional para este ano 2016. A Formación Profesional é a alternativa, non universitaria, con maior éxito para atopar unha saída laboral, tanto para os mozos que han de decidir o seu futuro como para aqueles que teñen a vontade de reciclarse e atopar un emprego.

As empresas requiren cada vez profesionais máis especializados nas distintas áreas e os datos de emprego no sector son moi alentadores para os titulados en Formación Profesional, tanto de grao medio como de grao superior. Actualmente 1 de cada 5 ofertas de emprego cualificadas solicita un perfil titulado en Formación Profesional. Segundo os últimos datos obtidos do Servizo Público de Emprego Estatal (SEPE), prevese que os ciclos de Formación Profesional con maiores perspectivas laborais para o 2016 son:

Administración
O ciclo de FP de Grao Medio de Técnico en Xestión Administrativa é o ciclo que xera máis contratos anuais en España cun total de 200.773 contratos, un 9,54% máis que o ano anterior. En canto ao ciclo superior de Administración e Finanzas, con 133.559 e un 10,97% máis de contratos acumulado, consolídase como o ciclo superior con maior contratacións.

Sanidade
En España contratáronse no 2015, 142.606 auxiliares de enfermería e é a segunda profesión máis demandada no mercado laboral. Aínda que as ofertas de traballo para os Universitarios de Enfermería estean a pasar por unha gran crise en España, os auxiliares teñen unha gran demanda por parte de clínicas públicas e privadas, ambulancias, hospitais xeriátricos, etc, aumentado a oferta nun 10,66%.

Outros ciclos que acumulan un volume notable de contratacións son as titulacións en Farmacia e Parafarmacia e Hixiene Bucodental con 13.202 contratos e 4.543 respectivamente. Este dato supón un incremento do 15,59% e do 16,06 respectivamente, versus as contratacións rexistradas en 2014. Estas cifras representan un incremento do 36,7% e manteñen boas perspectivas de crecemento para o 2016.

En Atención a persoas en situación de dependencia e debido ao envellecemento da poboación, hai unha maior oferta de traballo relacionado coa atención sociosanitaria a persoas dependentes. O impulso definitivo para este tipo de ciclos é que, actualmente, é imprescindible acreditar unha titulación oficial para ocupar un posto de traballo. Con 15.403 novos contratos no pasado ano, representaron un total dun 36?69% de incremento e cunha previsión moi alta de crecemento para este ano.

Tecnoloxía
Nun sector en constante expansión, entre os perfís do campo da informática máis demandados polas empresas, destacan os analistas e deseñadores de software e multimedia, e os administradores de sistemas e redes. A contratación de titulados nestes ciclos triplicouse desde xaneiro de 2014. No ano 2015, asináronse 10.683 novos contratos, un 24.68% máis e a previsión para 2016, é que a demanda siga aumentando debido ao desenvolvemento tecnolóxico constante en todos os sectores produtivos.

Comercio e Márketing
Independentemente do sector, as empresas españolas buscan profesionais capaces de planificar, organizar e xestionar as vendas e a promoción para a expansión da súa empresa. Un total de 32.917 novos contratos, un cun aumento respecto ao ano anterior do 6?15%, sitúan aos profesionais en vendas e márketing, como os perfís máis contratados no 2015 e a previsión para o 2016 é que siga en aumento.