Unha persoa foi excarcerada polos Bombeiros do Baixo Miño despois de sufrir unha colisión entre un coche e un camión na estrada N-550, ao seu paso polo concello pontevedrés de Mos. As 8:00 horas de hoxe, un particular relatou ao 112 Galicia que os dous vehículos implicados no sinistro acabaron batendo contra unha vivenda. Decontado, o persoal do CAE 112 Galicia alertou aos Bombeiros do Baixo Miño, Urxencias Médicas, GES e Protección Civil de Mos e Redondela e Garda Civil de Tráfico. Nestes momentos, a estrada permanece cortada en ambos sentidos mentres os servizos de emerxencia traballan na evacuación do ferido.