Un camión que circulaba pola VG-20, no punto quilométrico 12, á altura do Concello de Vigo, quedou pendido esta mañá na mediana desta vía. Así o relataba o alertante que chamou ao CAE 112 Galicia, minutos antes das 09:00 horas, para pedir axuda. 

De inmediato, púxose en marcha un operativo no que participaron os bombeiros de Vigo e do Porriño que xunto co persoal de Protección Civil de Vigo e de Mos, lograron estabilizar o camión e evacuar ao condutor.  A Garda Civil de Tráfico confirmou ao 112 Galicia que o condutor atópase ben e que a cabeza tractora do camión quedou entre os dous carrís da VG-20. Debido ao impacto, produciuse, ademais,  unha fuga de gasóleo procedente do depósito do camión que, xa os servizos de emerxencia teñen  localizada e controlada.

Urxencias Médicas e o persoal do servizo de mantemento da estrada tamén foron informados polo 112 Galicia. Neste intre, un guindastre procede a retirada do camión.