A Presidenta da Deputación de Pontevedra, Carmela Silva, e a Presidenta da Asociación de Jóvenes Empresarios (AJE Pontevedra), Lucía Pedroso, mantiveron onte unha reunión para analizar as posibles liñas de colaboración entre ambas institucións.

Carmela Silva agradeceu que AJE Pontevedra queira colaborar coa Deputación en todos aqueles proxectos para emprendedores e coincidiu con Lucía Pedroso en que ambas institucións deben estar abertas a sociedade e colaborativas.  

Pola súa banda, a Presidenta de AJE Pontevedra, Lucía Pedroso, ofreceu á Deputación de Pontevedra toda a súa colaboración para o fomento da vocación empresarial na provincia.

Carmela Silva comprometeuse a estudar a participación da Deputación en os proxectos que hoxe plantexaron os xóvenes empresarios incluídos os premios aos xóvenes empresarios. AJE Pontevedra encárgase de impulsar e axudar ós xóvenes emprendedores da área norte da provincia de Pontevedra. Nas súas instalacións, na rúa Herreros de Pontevedra, contan cun espazo emprendedor, que inclúe tamén a sede do INCUVI, e prevén realizar aperturas de espazos desta categoría no Porto de Marín, no de Vilagarcía e na comarca do Deza.