A Presidenta da Deputación de Pontevedra, Carmela Silva, expresou a súa dor ante o gravísimo accidente de tráfico, rexistrado na mañá deste sábado na estrada de Baiona á Guarda, no que dous ciclistas faleceron e outros seis resultaron feridos de diferente consideración

Silva mostrou as súas condolencias e as do goberno provincial ás familias das vítimas mortais e manifestou o seu desexo de pronta recuperación aos cliclistas feridos. A Presidenta cualificou o suceso de “golpe brutal ao deporte da provincia e en concreto aos afeccionados ao ciclismo. Todos debemos tomar nota para adoptar as medidas que sexan necesarias en seguridade viaria a fin de evitar que este tipo de traxedias poidan volver repetirse”, subliñou