Elévanse a catro os feridos de carácter moi grave no atropelo ao pelotón de ciclistas acontecido esta mañá no concello pontevedrés da Guarda. As outras tres persoas atropeladas están feridas de gravidade. Catro dos feridos foron trasladados ao Hospital Álvaro Cunqueiro de Vigo –un deles no helicóptero medicalizado con base en Ourense–  e os tres restantes ao Hospital Povisa, da mesma cidade. Segundo informou a Garda Civil de Tráfico ao 112 Galicia, no momento no que se produciu o sinistro, o pelotón circulaba pola calzada e non polo carril habilitado para as bicicletas.

Ademais, segundo relatou a Garda Civil de Tráfico ao persoal do CAE 112 Galicia, o condutor do vehículo non marchou do lugar despois do sinistro, senón que se acudiu a un establecemento próximo para dar aviso do atropelo.