Os socialistas son contundentes na súa valoración, “polígono industrial si, que as empresas teñan as garantías xurídicas necesarias para desenvolver a súa actividade e tamén para crecer, si, pero non a costa dos veciños de Salceda.”

Dende o PSdG-PSOE da vila aseguran que "oi que se pretendía  coa aprobación da modificación puntual do Cerquido era incorporar un terreo totalmente alleo e separado do conxunto do parque empresarial á modificación, un terreo que xa está protexido de por si, por ser Rede Natura, no que xa no seu día unha sentencia do TSX de Galicia declaraba non industrial, co fin de favorecer a unha empresa en detrimento do resto e de todos os veciños. Por iso o grupo socialista xa emitiu na comisión informativa o seu voto particular, no que reflexaban claramente o seu apoio a ordenación do Cerquido pero sen este engadido artificial, que non vai proporcionar servizos no polígono, nin postos de traball".

"É unha auténtica vergoña que o Alcalde impoña un receso no Pleno, para que representantes dunha empresa presionen as concelleiras socialistas para votar en contra dos veciños, porque foi así como nos sentimos e o Sr. Alcalde permitiu esta situación, que na nosa opinión non foi espontánea" aseguran.

A portavoz socialista engade tamén  “non me vou deixar amedrentar pola actitude do Sr. Alcalde, a falta de respecto que me mostra en cada pleno polo simple feito de ser muller e as presións non me van a votar atrás: cumprimos cos veciños de Salceda e iso é o importante”. Gela Ledo: “Sentí vergüenza de que Verónica tuviese que recordarle al Sr. Alcalde que las mujeres también sabemos de urbanismo, y también podemos estar en política, pero que “sea la portavoz socialista la única mujer miembro de la comisión de urbanismo, ya lo dice todo”
No caso do PXOM o Sr. Alcalde pretendía pisotear os veciños, non recolleu nin unha soa proposta veciñal. A posición dos socialistas é de sobra coñecida, e defendemos o interese xeral dos veciños por encima de ningún interese particular ou partidista. A responsabilidade dun PXOM mal feito é do Sr. Alcalde, non da corporación.
Estamos a disposición do Sr. Alcalde para comezar a traballar e apoialo neste tema tan relevante para a veciñanza de Salceda, pero sempre e cando se faga a ordenación como debe ser, sen movementos que só satisfagan posibles intereses particulares. Tourón, “pídolle que escoite ós veciños, que poñamos sobre a mesa o consenso social e que traballemos para Salceda unha ordenación sensata, transparente e participativa e terá o noso apoio”.

“Con esta decisión non gaña nin o PSOE, nin o PP, gaña Salceda e os seus veciños”, afirma Verónica Tourón. “A corporación é a representación da veciñanza, e os veciños non queren movementos especulativos en Salceda. Trátase de pechar portas a especulación e non de boicotear ningún traballo, e creo que os políticos debemos ser claros e contundentes nisto”