A alcaldesa de Mos, Nidia Arévalo, e o concelleiro de Promoción Económica e Emprego, Óscar Soto, informaron de que a administración local mosense ven de asinar un convenio coa UNED para a realización de prácticas de alumnos na Axencia de Colocación.

Gracias a dito convenio unha becaria comezará próximamente a traballar como apoio ao Servizo de Asesoramento a Emprendedores. A propia estudiante seleccionou o Concello de Mos, entre varias opcións, debido ó alcance das políticas municipais activas de emprego, e a actividade relacionada co emprego e o desenvolvemento local que se realizan dende a Axencia de Colocación mosense. O seu proxecto final do curso está relacionado co emprendemento, a promoción económica local e a creación de redes sociais para o desenvolvemento.

O convenio de prácticas extracurriculares foi asinado o pasado 11 de marzo pola alcaldesa do Concello de Mos, Nidia Arévalo, e a Vicerreitora de Formación Permanente da UNED, Mª del Carmen García Alonso.

Dito convenio senta as bases para o concerto de prácticas de alumnos/as da Universidade a Distancia en apoio ao Servizo Municipal de Asesoramento a Emprendedores na xestión de programas de fomento do emprego, formación e de voluntariado, intermediación laboral na Axencia de Colocación, apoio nas redes sociáis e publicidade das actividades realizadas polo departamento.

Este convenio marco é de cooperación educativa para os estudiantes de diplomaturas, enxeñerías técnicas, licenciaturas, enxeñerías, grados, másteres oficiais e títulos propios, entre a institución pública Concello de Mos, e a Universidade Nacional de Educación a Distancia co fin de complementar a formación teórica dos seus estudos.

Ó finalizar o período de realización das prácticas, Concello de Mos e UNED entregarán ó estudiante un certificado.

A realización de prácticas polos estudiantes suporá a convalidación de créditos sempre e cando estea contemplado no correspondente plan de estudos.

As prácticas extracurriculares na administración local son o primeiro paso dun proxecto de colaboración sen precedentes coa UNED, segundo explicaba esta mañá o edil Óscar Soto, quen tamén avanzou que espera que “este sexa só o principio de futuras iniciativas comúns en aras de dar oportunidades prelaborais ós alumnos/as, mellorar o servizo prestado pola Axencia de Colocación e, en definitiva, implementar as políticas municipais de emprego por un Mos económica e laboralmente máis próspero”.