Tralas declaracións do alcalde de Salceda de Caselas nas que asegura que o Concello facilitará os pagos dos atrasos dos recibos do IBI, o voceiro do Partido Popular aclara que "esta non é unha medida que aplique e dependa do Concello, xa que calquera veciño que teña un recibo pendente, emitido polo Oral, pode solicitar o seu fracionamento, tal e como recolle a Ley General tributaria, así como a Ordenanza Fiscal Xeral do ORAL publicada no BOP o 30 de abril de 2013".

Nesta liña, Santiago Rodríguez Davila considera que "o alcalde pretende venderlle favores aos veciños cando hai unha lei e unha ordenanza que regula este aprazamento, pero con xuros, non a custo cero".

A regularización do IBI implicará uns ingresos para o Concello de 320.000 euros, que lle servirán ao alcalde para pagar as cacicadas que fixo sen consignación orzamentaria en vésperas de eleccións

"Ademais, o PP propuxera a rebaixa do tipo de gravamen nun 0,50% para o 2016, no pleno do 3 de novembro de 2015, pero segundo recorda o voceiro popular, o alcalde ralentizou o procedemento para que non se puidera aplicar en 2016, pero nun puido evitar a súa aplicación para 2017, tras ser aprobado polo pleno na sesión do 18 de decembro de 2015" sinala.

"O tipo de gravamen aplicado polo Concello repercute na cuota a pagar, polo tanto, o alcalde non só non ten nada que ver no aprazamento ao que se poden acoller os veciños para pagar os seus recibos, se non que se negou ademais a rebaixar este gravamen cando o PP llo propuxo" indican.

Engaden que "os veciños teñen que coñecer as manobras que fai o alcalde de Salceda de Caselas, que non se corta á hora de insinuar e de facer ver que o Concello beneficia aos veciños, cando é el mesmo o que se nega a aplicar medidas que lles favorezan".

O voceiro do PP sinala ademais que "a regularización do IBI, implicará uns ingresos para o Concello de 320.000 euros, que lle servirán, entre outras cousas, para pagar as facturas de obras feitas en plena campña electoral sen a súa correspondente consignación orzamentaria, é dicir, para pagar as cacicadas do alcalde en vésperas de votacións".