Este venres, 8 de abril, ás 20:30 h o grupo de teatro afeccionado “O mellor de cada casa” de Oia representará a obra de Nicolás Vela titulada “Os cravos de prata” no centro cultural de Pedornes (Oia). A obra conta coa participación de 9 actores dirixidos por Ame de Oliveira. O argumento céntrase en que o protagonista, que está a piques de morrer, leva toda a súa vida aforrando para ter un velorio e un enterro que sexa o mellor de toda a comarca. Pero a súa irmán e a súa filla no están dispostas a sufrir máis pola súa avaricia, e queren gastar os cartos doutra maneira.

A entrada é de balde, sendo, pois, unha magnífica oportunidade para botar unhas risas e “desconectar” da rutina ou do traballo diario.