A concelleira de Educación, Lourdes Moure, acompañou este xoves a alumnas e alumnos d 3º e 4º de Secundaria do Colexio ‘Hermanos Quiroga’ á súa visita á exposición"De Castelao ao mañá. Unha ollada ao cómic galego", aberta o pasado 31 de marzo, coa presenza da alcaldesa, Eva García de la Torre, e que permanecerá no Centro Cultural ata o vindeiro día 21.

A exposición, organizada pola Deputación de Pontevedra para celebrar o ‘Ano Castelao’, iniciou no Porriño o seu percorrido pola provincia con obras de Kiko da Silva, José Domingo, Miguelanxo Prado, Mar Abad o David Rubín.
A concelleira de Educación subliñou que “esta exposición da a coñecer unha das facetas artísticas máis descoñecidas de Castelao e vencella a mesma coas obras de autores actuais”. "De Castelao ao mañá: unha ollada ao cómic galego" céntrase na produción do xenial pensador, político, médico, debuxante, escritor, escultor e pintor, nos primeiros anos da súa traxectoria na que foi quen de amosar unha mirada do mundo do arte coma un xeito máis de expresión e do propio sentir de Castelao quen, por medio do debuxo, amosou o seu compromiso coa arte e a lingua galega.

As rapazas e rapaces puideron comprobar que, para facer a visita á exposición máis completa e accesíbel, puideron facer uso do sinal QR, ademais de atender ás explicacións orais e escritas e ás explicacións na linguaxe de sinais, cumprindo co deber de facer accesíbeis os contidos para toas e todos os veciños.

Seguindo a solicitude da Deputación e do Concello, que se suma deste xeito á campaña nas Redes Sociais para difundir o sinal co que se nomea a Castelao na linguaxe de sinais, os asistentes fixéronse unha foto "sinalando" a Castelao que poden subir a Twitter con la etiqueta #signaCastelao.

O sinal consiste en colocar os dedos índice e polgar facendo un círculo sobre un dos ollos, referido ás gafas redondas que levaba Castelao.