O BNG no Condado-Paradanta celebrou esta fin de semana un acto sumándose así a unha batería de actos simbólicos celebrados por todo o país. O acto, que consistía en despregar unha faixa en algún lugar emblemático da comarca para chamar a atención sobre a crise humanitaria dos e das refuxiadas, reclamar a anulación inmediata do acordo UE-Turquía e reivindicar unha política de asilo que dea acollida ás miles de persoas que petan nas portas de Europa fuxindo da guerra ou da miseria foi levado acabo na localidade de Salvaterra na Ponte sobre o Río Miño.

O Bloque pide a ruptura do “ilegal e inmoral” acordo pactado co goberno de Ankara que permite mercadear con seres humanos, ao tempo que denuncia o cinismo do Estado español que, despois de comprometerse a recibir a miles de refuxiados, só ten acollido a 18 persoas. Denuncian tamén  “a política inhumana” que soportan miles de refuxiad@s por parte das institucións europeas, “unha política que nos avergoña”.