Pantone LLC, unha empresa propiedade de X-Rite e a autoridade mundial en materia de cor provedora de estándares de cor profesionais para o sector do deseño, anuncia que PANTONE 15-3919 Serenity e PANTONE 13-1520 Rose Quartz, son os tons elixidos por PANTONE® como Cor do Ano 2016; trátase de “unha combinación armoniosa de tons suxestivos que evoca un estado de tranquilidade e paz interior”.

Nun momento no que os compradores valoran o benestar e un estado de plena conciencia como antídoto fronte á tensión da vida moderna, as cores cálidas que psicoloxicamente satisfán o desexo de seguridade e consolo son cada vez máis prominentes. Incorpóreo e etéreo, como o vasto ceo azul sobre as nosas cabezas, Serenity nos reconforta e calma achegándonos sensacións de respiro e relaxación mesmo en momentos turbulentos. Rose Quartz é un ton persuasivo e amable que transmite compaixón e un sentido de compostura.

«A combinación de Serenity e Rose Quartz, que sumados transmiten moito máis que por separado, encarna o equilibrio inherente entre o ton rosa embriagador máis cálido e a tranquilidade do azul máis frío, para reflectir un estado de conexión e benestar e un sentimento tranquilizador de orde e paz», afirma Leatrice Eiseman, Directora Executiva do Pantone Color Institute.

A combinación prevalente de Serenity e Rose Quartz tamén desafía as percepcións máis tradicionais ao redor da asociación de cores. «En moitos lugares do mundo observamos como as fronteiras entre xéneros se difuminan en sectores como a moda, o que á súa vez influíu nas tendencias de cor no resto de ámbitos do deseño», confirma Eiseman. «Este enfoque máis multilateral cara á cor coincide cos movementos sociais que avanzan cara á continuidade e igualdade entre xéneros e o crecente uso da cor como vehículo de expresión dos consumidores dunha xeración menos preocupada por sentirse encasillada ou xulgada. Todo iso sucede nun momento de gran intercambio de información dixital que nos abriu os ollos con respecto aos distintos usos da cor.»

Deseño de interiores

En si mesma ou combinada con outros tons, a combinación de Serenity e Rose Quartz transmite calma e relaxación no fogar. Como unha serena posta de sol, Rose Quartz convida a reflexionar sobre a nosa contorna, mentres que Serenity, un azul extraordinario, evoca unha sensación de espazo conectado naturalmente. A elección ideal para alfombras e tapicerías, Serenity e Rose Quartz tamén resultan efectistas en pinturas e accesorios de decoración. As mantas, coxíns e roupa de cama en tecidos estampados e lisos recuperan unha sensación de confort, asueto e benestar en casa. A incorporación de texturas salienta a dualidade e afinidade destas cores. Os aveños de cociña e os obxectos de mesa, os accesorios do fogar como as velas, os cuencos decorativos, os vasos e as flores en Serenity e Rose Quartz engaden sutís acentos de cor e contribúen a crear un lugar agradable e cheo de paz. Os acabados clave son mates, metálicos, translúcidos e vernizados.