Os Bombeiros de Vigo detectaron unha alta concentración de monóxido de carbono no interior dunha vivenda situada no Camiño das Veigas, en Coruxo. Os dous ocupantes da vivenda, un home e unha muller, tiveron que ser trasladados ao hospital con síntomas de intoxicación: desmaios e dores de cabeza. Foi o home quen pediu axuda a unha veciña antes de esvaecerse. Ela chamou ao 112 Galicia e a partir de aí, se activou un operativo no que, ademais dos bombeiros, participaron os técnicos de Urxencias Médicas e os axentes da Policía Local. O suceso se rexistrou ás seis desta madrugada.