“No prazo dun mes poderemos inugurar o novo Campo de Fútbol de Mosende”, asegurou este xoves o tenente de alcalde e concelleiro de Deportes, Manuel Carrera, logo de facer unha visita ao recinto deportivo.

Carrera salientou que o retraso na posta en marcha deste campo debeuse á mala planificación do proxecto feito polo anterior goberno local que, proxecto que, entre outros graves defectos contemplaba a colocación dunha superficie de 45x85 metros cadrados de herba artificial, nunha superficie de xogo de 100x60 metros cadrados, o cal “resultaba ridículo e facía que o terreo de cogo fose difícilmente hologabel pola Federación Galega de Fútbol”.

Á vista delo a Concellería de Deporte presentou á Deputación de Pontevedra unha proposta para colocar unha superficie de 95x55 metros cadrados de herba artificial, deixando unha para beirarrúas; tamén se colocaron beiras perimetrais e, o Concello, con recursos propios, acometeu a mellora dos vestiarios, o pintado das gradas, abastecemento de auga, a adecuación para a conexión coa rede municipal de abastecemento, o remate da beirarrúa perimetal, en formigon, a colocación dun sistema totalmente renovado de submistro de auga quente e un novo portal de entrada.