A Directora Xeral de Conservación da Natureza, Ana María Díaz, mantivo recentemente en Santiago unha reunión co presidente da Federación Galega de Caza, Javier Nogueira. O obxectivo do encontro foi analizar, de forma conxunta, as alegacións presentadas ao proxecto de Lei de protección e benestar dos animais de compañía de Galicia durante a súa fase de exposición pública.

Este encontro enmárcase nunha rolda de contactos que está mantendo a directora xeral co fin de coñecer de primeira man as alegacións presentadas polos principais colectivos afectados por este proxecto normativo.