O goberno de Nigrán levará ao Pleno de hoxe xoves a moción para aprobar a modificación da Lei de Área Metropolitana de Vigo, entidade supramunicipal da que Nigrán formaría parte xunto cos outros trece concellos do sur da provincia. A aprobación do anteproxecto lexislativo en Pleno por parte de tódolos seus compoñentes é o paso previo e necesario para que o texto sexa ratificado polo Consello da Xunta e aprobado polo Parlamento galego antes do verán co fin de evitar o paréntese das eleccións autonómicas. Será o final dun proceso que contempla o texto reformado con respecto a lei de 2012, que non contaba co respaldo necesario.

"É moi importante que a lei saia adiante canto antes porque para os veciños de Nigrán significará que teñan mellores servizos a menor coste e, polo tanto, vivir mellor", destaca Juan González, alcalde de Nigrán, quen suliña que "a nova lei conta esta vez co consenso de tódolos seus integrantes despois de sentarse  xuntos a dialogar".

Entre os beneficios do área está a posibilidade de mancomunar transporte, auga e recollida de residuos sólidos.   
Ademáis de Vigo, a lei delimita o ámbito territorial do Área aos municipios de Cangas, Moaña, Soutomaior, Fornelos, Pazos de Borbén, Redondela, Nigrán, Baiona, Gondomar, Mos, Porriño, Salceda y Salvaterra de Miño.

Unha vez aprobada definitivamente tramitaríase a súa ampliación aos municipios interesados en sumarse, como é o caso de Tui,Tomiño, A Guarda, Vilaboa, Mondariz, Ponteareas, As Neves, Oia, O Rosal e A Cañiza. Con todos suman unha poboación cercana aos 600.000 veciños.