Salvaterra de Miño foi un dos primeiros e dos poucos concellos que premia a excelencia académica. Dende fai máis dunha década premia o esforzo e dedicación dos estudantes do seu municipio.

Estas bolsas ou premios nacen co ánimo de incentivar o estudio e reforzar actitudes e hábitos relacionados co traballo, esforzo, participación e convivencia entre os mozos, xa que será a base do seu futuro.

 
Este venres, en Xunta de Goberno, aprobáronse as bases que rexerán os Premios de Educación para este curso académico 2015/2016. Toman parte neste concurso o alumnado do Instituto de Educación Secundaria e dos tres Centros de Educación Primaria de Salvaterra ( CEIP Infante Felipe, CEIP de Leirado e CEP Carlos Casares), establecéndose os seguintes PREMIOS:
 

• 14 LOTES informáticos compostos por unha Tablet Samsung   galaxe, con funda, memoria e powerbank
• 3 BOLSAS DE ESTUDIOS que consistirán nunha viaxe a Reino Unido - Worthing (costa sur de Inglaterra) co obxecto de perfeccionar alingua inglesa. Esta viaxe terá unha duración de tres semanas e levaranse a cabo no mes de agosto do ano en curso, con todos os gastos pagoss, incluíndo desprazamentos, aloxamento, un curso de inglés, material escolar, tarxeta de trasporte, actividades...

 
Os lotes informáticos distribúense entre o alumnado con mellor expediente académico de 2º Ciclo Formativo de Grao Medio de Caldeiraría e Soldadura, de FP Básica de Carpintaría e moble,  de 4º de ESO e os alumnos de primaria

 
As tres bolsas de estudio entre os mellores expedientes de 2º de Bacharelato.