A Xunta de Goberno adxudicou, na súa última sesión, un total de 146.466,14 euros de axudas  para un total de seis concellos dentro do “Plan Concellos 2016”  repartidas entre gasto corrente, pagos de débedas e de actividades deportivas, culturais ou musicais.

A primeira das partidas é de 82.560,40 euros para a liña dous do “Plan Concellos” para os concellos de Pontecaldelas e de Ribadumia. O primeiro adica a cantidade de 17.699 euros a amortización de gasto corrente e o segundo adica 64.861,49 euros para gastos de alumeado e de recollida de lixo.

No caso da liña tres do “Plan Concellos”, que está adicada a financiar actividades deportivas, culturais, ou musicais polos concellos, repártense entre catro concellos un total de 63.903,65 euros.

A Illa de Arousa recibe sete mil euros para actividades medioambientais e para o entroido.

No caso de o concello de As Neves, a cantidade ascende a 12.000 euros adicados a promoción turística, actividades teatrais, deportivas e musicais.

Para o concello de Rodeiro aprobouse o proxecto de “cantos de taberna” cunha axuda de 1.724 euros.
Por último, para  o concello de Sanxenxo aprobouse a cantidade de 43.179,15 euros para o tríatlon, para varias festas patronais ou para o mantemento da escola municipal de música, entre outras.