Ás 09:15 horas desta mañá, o CAE 112 Galicia recibía a chamada dun particular que alertaba dunha embarcación envorcada con dous tripulantes a bordo en Cabo Home, en Cangas. Tras recibir a chamada do alertante, o persoal do 112 Galicia pasou aviso a Salvamento Marítimo que, de contado, activou un operativo de rescate. Así mesmo, informou ao Servizo de Garda Costas de Galicia e solicitou a colaboración dos axentes da Garda Civil e de Protección Civil.

Segundo informaron dende Salvamento Marítimo, os dous tripulantes se atopaban pescando na zona, cando unha corrente de auga os arrastrou contra as rochas. Foi a Garda Civil quen, comunicou ao CAE 112 Galicia que unha patrulla rescatara a un dos náufragos na zona das rochas do Faro Branco, con diversas lesións e, que eles mesmos trasladaron ao centro de saúde da localidade. O outro tripulante foi recuperado polo helicóptero de Salvamento  que, unha vez rescatada a persoa e mentres o persoal sanitario lle practicaba os primeiros auxilios,   tomou terra no Peirao de Guisar, onde tamén agardaba unha ambulancia. Maila que, o tripulante foi rescatado con vida e tras os intentos de reanimación, os servizos sanitarios só puideron confirmar o falecemento da persoa.

A embarcación “Salvamar Mirach”, un helicóptero, o remolcador “María Pita” e outras embarcacións que fanaban pola zona, así como, a Garda Civil, Urxencias Médicas e os efectivos de Protección Civil participaron no dispositivo posto en marcha por Salvamento Marítimo.