Un turismo se saíu da vía e caeu ao Río Miñor pola Ponte da Ramallosa, en Baiona. A persoa que viaxaba no interior abandonou o vehículo polos seus propios medios e foi sacado da auga coa axuda dos membros do GES. Unha vez a salvo, foi trasladado nunha ambulancia de Urxencias Médicas ao centro hospitalario de referencia. Ás 16:20 horas de hoxe, un particular informou ao persoal do CAE 112 Galicia, que puxo en marcha un operativo de rescate no que colaboraron, tamén, os axentes da Policía Local e da Garda Civil de Tráfico.