A Deputación de Pontevedra, mediante resolución presidencial, vén de outorgar unha axuda de máis de 45.000 € ao concello de Salceda de Caselas para a adquisición de material de construción, en concreto, 27.225,00 € para o financiamento dun camión con grúa e volquete e, pola outra banda, 18.755,00 € con motivo da adquisición dunha minipala escavadora. A subvención a esta edificación de titularidade municipal atópase enmarcada na liña 1, investimentos, do Plan Concellos 2016.

Esta contía súmase ás entregadas anteriormente pola institución provincial. Ata o momento a Deputación leva entregados 85.208,29 €, correspondentes á liña 2, destinados á iluminación pública. Ademais, 21.302,07 €, na liña 3, para o financiamento da Festa dos Callos 2016, o programa de asesoramento en materia de xénero, a "Carreira Popular 10k" e o programa de atención ás demencias neurodexenerativas, e, por último, 127.812,44 € na liña 4 para a contratación de 24 traballadoras e traballadores.

No que levamos de 2016 a Deputación provincial leva investidos na vila 280.302,80 €, o que representa o 49 % do total destinado a Salceda de Caselas dentro de Plan Concellos 2016.