O día 17 de maio todos os amantes do mítico modelo automobilístico Volkswagen Golf teñén unha cita co encontro anual Golfmanía que se celebra na parroquia mosense de Pereiras.

Os participantes concentraranse entre as 9.30 horas e as 10.30 horas da mañá en Pereiras, onde se repartirán os dorsais identificativos para, a continuación, poder proceder ó inicio da ruta en dirección ás localidades de O Porriño, Salceda de Caselas, Salvaterra de Miño –aquí con parada no parque de A Canuda- e Crecente, onde terá lugar unha comida de confraternización no restaurante ‘Palancas’. Para participar no xantar hai que solicitalo previamente no momento da inscrición e aboar a contía de 15 euros.

Xa pola tarde ás 17.00 horas, e tras a sobremesa, sairase do restaurante con rumbo á Cañiza pola antiga estrada a Ponteareas para logo regresar polo Porriño ata Mos, pero nesta ocasión a Herville, parroquia de Cela, xa que no seu fermoso Miradoiro do Castro de Herville terá lugar o peche desta nova edición da Golfmanía de Pereiras.

Para máis información os interesados poden chamar o teléfono 617370715.