A concelleira de Política Social mosense, Sara Cebreiro, informou onte de que todas as veciñas de Mos con idades comprendidas entre os 50 e 69 anos, ambas incluídas, teñen a oportunidade de realizar unha mamografía gratuíta gracias ó Programa Galego de Detección Precoz de Cancro de Mama.

Dito programa foi posto en marcha pola consellería de Sanidade da Xunta de Galicia en colaboración coa Asociación Española contra o Cancro, AECC, e xustamenteonte iniciaba a súa campaña no Concello de Mos.

As mamografías faranse na Unidade Fixa de Exploración, ubicada na Casa do Mar, en Beiramar 51, segunda planta, en Vigo. Mediante unha carta comunicaráselles ás beneficiarias o día e hora que teñen que acudir, pero se alguna mosense no rango de idade antes indicado non recibise a notificación pode chamar ó teléfono 981141414 para concertar a súa cita.

A edil Sara Cebreiro anima ás mulleres de Mos a participar neste programa “xa que anticiparse e previr pode salvar vidas e é moi importante a prevención en determinadas enfermidades coma é o caso do cancro de mama”, declarou a concelleira mosense.