O vindeiro sábado día 25 de Xuño,  para complementar o peche do curso escolar deportivo 2015-2016 das Escolas Deportivas Municipais, a Concellería de deportes de Baiona programa  unha viaxe ás Cíes, viaxe que queda aberta a inscrición para partir do día 1 de Xuño para todos os socios das escolas Deportivas Municipais, para aqueles non socios que queiran participar deberán esperar ao día 13 de xuño para a súa compra.

O número de prazas é limitado e as inscricións deben de tramitarse nas Oficinas do Pavillón Municipal de Baiona.

O horario de atención ao público será de 10.00 h a 14.00 h de mañás e de 18.00 a 20.00 h de tarde.