Unha casa ardeu por completo na parroquia de Ventín, dentro do termo municipal de Fornelo de Montes. Por fortuna, a vivenda estaba baleira no momento de producirse o incendio e ninguén resultou ferido. Sucedeu ás catro desta madrugada, segundo informou un particular que chamou ao 112 Galicia.

A partir de aí, os profesionais do Centro de Atención ás Emerxencias de Galicia activaron o protocolo de actuación e avisaron aos Bombeiros do Baixo Miño, Emerxencias de Redondela, Distrito Forestal da zona e GES de Avión, que achegaron máis auga para sufocar as lapas. Os bombeiros traballaron toda a noite na extinción do lume e se retiraron á súa base a primeiras horas desta mañá.