O sábado, 21 de maio, ás 11.30 horas, o centro de recursos para persoas con discapacidade de Mos (Avda. do Rebullón, no antigo hospital psiquiátrico) acolle a XXVI Asemblea Xeral Ordinaria da Confederación Galega de Persoas con Discapacidade).

Máis de medio cento de persoas chegadas das catro provincias galegas, representantes de COGAMI e das máis de 50 entidades membro, daranse cita para analizar os resultados da Organización durante o ano 2015 e tamén para adiantar o camiño que ten trazado para este ano, a estratexia que vai seguir na prestación de servizos que melloran a calidade de vida das persoas con discapacidade.

Este é o terceiro ano que COGAMI sae de Santiago e recorre os seus centro para celebrar a asemblea. Xa estivo en A Mariña e en Lugo. Este ano a asemblea se fai en Mos porque tamén é a oportunidade de poder ver as novas instalacións do centro de recursos, que presta servizos de formación, orientación, saúde, información, asesoramento, lecer e inserción laboral, co fin de fomentar a autonomía das persoas.

Estas instalacións foron reformadas a través do 7% do IRPF cando as persoas contribuíntes marcan o X Solidario, a través do Plan de Prioridades da Fundación ONCE e contou tamén coa colaboración da Consellería de Sanidade e o Concello de Mos.