Unha muller faleceu tras precipitarse dende un terceiro andar dun edificio situado na Rúa Daniel Alonso, na localidade pontevedresa de Mos. Pasaban uns minutos das 19:30 horas de onte, cando un particular chamaba ao CAE 112 Galicia para informar do suceso. A partir de aí, puxéronse os feitos en coñecemento do persoal sanitario de urxencias que, tras chegar ao lugar, só puideron confirmar o falecemento da persoa. A intervención da  Garda Civil e dos efectivos do Servizo de Emerxencias de Mos tamén foi requirida polo persoal do 112 Galicia.