Tras a participación no VI Congreso Internacional de Arte Efímera, que vén de celebrarse na cidade siciliana de Noto, representantes do Concello de Ponteareas e de Alfombristas presentarán a candidatura para que as alfombras florais do Corpus sexan consideradas patrimonio inmaterial pola UNESCO.

As solicitudes canalizaranse a través de todas as organizacións que conforman a Comisión Xestora Internacional de Alfombristas de Arte Efímero, e desde cada localidade realizarase unha solicitude diferenciada que contemple as particularidades específicas de cada zona.

Para explicar esta iniciativa o alcalde de Ponteareas, Xosé Represas, e o deputado provincial de Cultura e Lingua, Xosé Leal, comparecerán ante os medios de comunicación o luns 23 de maio ás 12:00h. A comparecencia estará acompañada por unha pequena demostración de realización de alfombra floral na Avenida Montero Ríos, diante do Pazo Provincial.

A comparecencia tamén será aproveitada para presentar a nivel provincial a presente edición do Corpus de Ponteareas terá lugar no serán do sábado 28 e durante a xornada do domingo 29, e que está declarada como 'Festa de Interese Turístico Internacional'.