Este último ano estivo cheo de novidades para vostede, tanto a nivel persoal como profesional: revalidou a alcaldía, foi nai, foi elixida voceira do grupo do Partido Popular na Deputación de Pontevedra e vicepresidenta do PP provincial.
Sí, son catro feitos que marcan a miña vida e a miña traxectoria profesional e que marcan un antes e un despois en ambos aspectos. Calquera deles enorgulléceme enormemente e porei todo o empeño para estar á altura das circunstancias.

Volver a acadar a alcaldía por segunda lexislatura consecutiva con maioría absoluta, e tendo en conta o esceario político reinante a nivel nacional é unha honra para min e unha recompensa ó traballo e adicación dos anos previos. Sen embargo constitúe tamén unha forte motivación para continuar a traballar duro e doblar esforzos a prol da mellora da calidade de vida dos veciños e veciñas de Mos así coma dos servizos municipais.

Todo este traballo non sería posible sen o formidable grupo de concelleiros e concelleiras que integran o goberno local. A este excelente equipo humano que teño detrás respaldándome, téñolles que agradecer tamén, tanto a vitoria nas pasadas eleccións locais, como a boa marcha da xestión municipal.

A miña portavocía na Deputación é unha gran responsabilidade tendo como precedente, mestre e exemplo a seguir ó expresidente provincial Rafael Louzán. O seu labor de tantos anos deixou o listón moi alto e, pola miña banda, porei todo o empeño en favor dos intereses dos pontevedreses dando continuidade á liña de traballo duro encabezada por Louzán na que considero que foi unha etapa histórica da Deputación de Pontevedra.

A vicepresidencia do PP provincial é outra gran honra para min, que lle agradezo ó actual presidente, Alfonso Rueda, a confianza depositada na miña persoa. Espero facer o mellor papel posible e ser o complemento á súa xestión que é inmellorable en tódolos ámbitos.

E que vou dicir da miña primeira filla, María. É o máis fermoso da miña vida, a ledicia do meu día a día e a mellor recompensa tras unha longa xornada de traballo. As nais saben do que falo e non hai nada comparable á maternidade.

Son moitos frentes nos que vostede ten que dar o 100%, chéganlle as 24 horas do día?
A verdade é que estes están a ser tempos inesquecibles pero agotadores nos que non me queda máis remedio que duplicar esforzos e ampliar as horas de traballo. Neste sentido teño a sorte de contar cuns compañeiros moi eficientes no equipo de goberno local mosense e, a nivel familiar, coa incondicional e incombustible axuda da miña nai; que me permite compatibilizar as miñas responsabilidades profesionais e políticas coa miña faceta como nai. A conciliación da vida familiar e laboral é xa dificultosa de por sí, e nas miñas circunstancias actuáis complícase un pouco; pero síntome moi orgullosa de poder compatibilizar a maternidad eco traballo a prol dos mosenses en particular e dos pontevedreses en xeral.

Este último ano foi tamén decisivo para unha das principais realidades mosenses, o Plan Xeral de Ordenación Municipal.
Sí aprobámolo provisionalmente e agora atópase na Xunta de Galicia para a revisión previa á aprobación definitiva. Podemos dicir que o PXOM é prácticamente unha realidade de vital importancia para o progreso e o futuro de Mos. A verdade é que se trata dun logro do que me sinto moi orgullosa tanto como alcaldesa como mosense, posto que representa un hito histórico para esta localidade. E neste sentido teño que agradecer enormemente o papel xogado durante todo o proceso polos técnicos municipais e as diferentes autoridades implicadas tanto da Xunta de Galicia como do Ministerio de Fomento, así como do equipo redactor.

Segue a ser o emprego o pilar fundamental da súa xestión como alcaldesa?
Por suposto. Aínda que a situación en cifras de desemprego mellorou a nivel local, é necesario continuar a traballar duro nesta materia, na que ademais estamos dotados dunhas infraestruturas inmellorables e somos un Concello pioneiro que conta coa súa propia Axencia de Colocación, sita no antigo CDL. Os nosos recursos están a ser altamente recoñecidos por outras administracións e as instalacións e aulas da Axencia de Colocación están permanentemente ocupadas con accións de formación e fomento do emprego de todo tipo: cursos AFD, Obradoiros e Plans de Emprego, seminarios e diferentes estratexias. Ademais contamos na Axencia de Colocación de Mos con dous servizos especializados de Orientación Laboral e Asesoramento a Emprendedores. Somos, neste sentido, un Concello modelo ó que aínda lle queda moito por facer ata chegar a taxa de paro cero, pero podemos presumir de estar no bo camiño.

Outro proxecto estrela da súa xestión como rexedora local é o Servizo de Transporte Urbán Municipal
Efectivamente. Nestes intres atopámonos ultimando os detalles do proxecto nunha Comisión de Estudo integrada por tódolos grupos da Corporación Municipal e esperamos que o servizo entre en funcionamento durante o vindeiro verán. A tarifa establecida para o billete do transporte urbano mosense será a máis simple: 0,85 euros. Será un billete único e os usuarios non terán que volver a pagar durante unha hora aínda que fagan transbordo a outra liña tanto do transporte urbano como do interurbano a outros municipios da Área Metropolitana.

Será un sistema de buses lanzadeira distrubuídos en dúas liñas que comuniquen as dez parroquias mosenses entre sí e coas paradas do Transporte Metropolitano sitas en Puxeiros, Peinador, Tameiga, Sanguiñeda e San Cosme en Cela. Ademais este servizo comunicará cos principais puntos de interese do municipio que son o Centro de Saúde do Rebullón, o Instituto e o Pavillón Óscar Pereiro nas Pozas.

Facendo extensivo o tema do transporte metropolitano á Área Metropolitana cóntenos, como beneficiará a Mos a entrada neste novo ente supramunicipal?
Pois a vantaxe fundamental será o transporte metropolitano interurbán que, combinado co servizo municipal de transporte urbán, permitiralles ós e ás mosenses desplazarse por toda a localidade e o resto de concellos da Área por un prezo inmellorable.

Ademais do transporte, progresivamente iranse mancomunando outros servizos que suporán a optimización dos mesmos, unida a unha importante reducción de custes e unificación de trámites, que se verán simplificados e axilizados.  

E outro tema de actualidade en Mos é a proximidade das Festas da Rosa, será esta unha edición especial para vostede?
Sí, en primeiro lugar porque tras elas espérannos uns novos comicios electorais nos que está en xogo o futuro do noso país. E tamén serán unhas festas moi especiais por todo o que falamos ó comezo desta entrevista: é a miña primeira Festa da Rosa como nai, como voceira do Partido Popular na Deputación e como vicepresidenta do PP provincial.

Ademais volvo a vivir a nosa principal celebración municipal coa confianza depositada en min polos veciños e veciñas de Mos renovada, tendo revalidado a Alcaldía e tendo transcorrido xusto un ano tras a toma de posesión que sucedeu ás derradeiras eleccións municipais de maio de 2015.

Este ano  as Festas da Rosa teñen un Pregoeiro moi novo e moi especial.
Sí nesta ocasión o noso Pregoneiro será o veciño da parroquia de Guizán e porteiro do Real Club Celta de Vigo, Rubén Blanco. Un rapaz moi novo pero moi maduro e responsable ó memo tempo, que está a facer un papel inmellorable no Celta e máis se lembramos a súa grave lesión nun ombreiro de fai uns meses. Ahí demostrou Rubén o seu esforzo e a súa capacidade de superación e de traballo tanto individual como en equipo, por iso consideramos que este e o seu ano e o mellor momento para que protagonice o Pregón das Festas da Rosa ó tempo que esperamos lle sirva de exemplo e guía á mocidade mosense. Rubén Blanco é todo un orgullo para o pobo de Mos.

E parece que este ano a Festa da Rosa vai de deporte, máis ben de deportistas, porque realizarase tamén durante as mesmas o nomeamento como Pavillón Patricia Martínez do Pavillón Castro Mos
Así é. Outro orgullo para Mos: Patricia Martínez, 12 veces campiona de España de Baile Deportivo. A verdade é que era o momento de adicarlle algún tipo de mención especial, porque a súa traxectoria deportiva dende moi moi cativa ben o merece. Patricia, que xa foi pregoeira da Festa da Rosa no seu día, leva orgullosa o nome de Mos polo mundo adiante e ademais xestiona e dá clases na Escola Municipal de Mos de Baile Deportivo, cuxos alumnos despuntan xa a nivel autonómico, conseguindo medallas no Campionato Galego durante os dous últimos anos.

Un labor de toda unha vida o de Patricia, a pesar da súa xuventude, que había que premiar, e así o fixemos co apoio unánime de toda a Corporación Municipal: adicándolle o pavillón da súa parroquia e onde no seu día se atopou ubicado o local no que ela recibiu as súas primeiras leccións de baile.