"A escuridade non che deixará ver, rodearache o sangue, a maldade axexará o teu espírito. Un paso en falso e quedarás atrapado". Estas son as claves do lanzamento editorial que tivo lugar o pasado mes de 'A terra de labirintos', a novela fantástica do momento e que, segundo os expertos, ten todos elementos para converterse nunha novela de culto do xénero.

Tras a boa acollida da península das baleas, primeiro libro da saga Os habitantes do Planisferio, Ana de Beraza presenta A terra de labirintos, unha escura fábula medieval que amplía o fascinante mundo de monstros, damas, seitas, pugnas feudais, navíos e cidades amuralladas que os lectores puideron gozar na primeira entrega.

Aínda que A terra de labirintos non é unha novela de fantasía ao uso, pola súa profundidade literaria e psicolóxica, a súa autora, guionista de cinema, sabe combinar á perfección a acción coa carga emocional dos protagonistas. A principios do mes de marzo estreouse o Booktrailer  da novela, creando unha gran expectación entre os seguidores do xénero. O amor e a morte entrecrúzanse vibrantemente neste maxistral tapiz de personaxes cuxas paixóns e violencia marcarán o destino da historia.

Ana de Beraza Lavín utiliza unha linguaxe escura e poética nesta coidada trama desenvolvida nun ambiente claustrofóbico que non permite respiro. Un libro que sorprende e que algúns chegaron a comparar coa aclamada serie de Canción de lume e xeo, aínda que a súa autora asegura que comezou a escribir a saga fai oito anos, moito antes do fenómeno de masas de Xogo de Tronos. Afirma que o seu estilo identifícase máis coa novela gótica do século XVIII.

Sinopse da novela
Tras o maremoto, ninguén atopa rastro da deusa Méridi, que respira por uns pulmóns encharcados e latexa por un corazón morto en metade do océano, resístese a ser consciente da súa nova aparencia. “Non quedan vestixios da extrema beleza”. Namentres… en terra, o arquitecto Laidas emprende a construción de dous labirintos sobre as ruínas da Cidadela, pretende así, crear para el e a súa familia unha barreira infranqueable ante o manto cárdeno e sanguento que se estende como unha raíz mortal ao longo da Península. Todo o que toma contacto coa veta maldita queda prisioneiro dela.        

                                                                  
Só a tripulación de Azimut poderá tomar distancia do devastador fenómeno, Marta e Eric forman parte dela, no navío coñecerán o que é o amor, a amizade e a proximidade da Morte, loitarán pola súa liberdade aínda que iso implique converterse en asasinos.

Autor: Ana de Beraza Lavín
Editorial: Greta Editorial
Categorías: Ficción Fantasía/Terror
ISBN: 978-84-16688-05-0 / 978-84-16688-06-7
Páxinas: 234