Responsables policiais mosenses informaron de que o balance de actuacións efectuadas polo Corpo de Policía Local do Concello de Mos das últimas semanas sáldase con cinco intervencións. Dúas actas de incautación de substancia tóxicas estupefacientes ou substancias psicotrópicas, das cales unha se investiga como presunto delito contra a saúde pública. Así mesmo, realizouse a recuperación dun turismo de matrícula portuguesa, substraído no país veciño. Tamén se destacan as actuación realizadas polo Corpo de Policía Local no eido da seguridade do tráfico, investigándose dous presuntos delitos contra a seguridade viaria, pola condución de vehículos a motor tras a perda de vixencia do permiso de conducir por perda total dos puntos asignados legalmente.

Explican dende a Policía Local de Mos que as actuacións de incautación de drogas realizáronse en controis específicos, que tiveron lugar nun punto conflitivo localizado no termo municipal. Saldándose coa incautación de 42 doses de metadona, 2 doses de heroína e 1 de cocaína que foron remitidos ás dependencias de Sanidade Exterior para o seu posterior análise.

Por outra banda, a recuperación do vehículo substraído tivo lugar na parroquia de Sanguiñeda, o día 5 de maio, cando os Axentes que realizaban labores rutinarias, observaron certos indicios e signos no estado do vehículo que levantaron as sospeitas dos Actuantes, que iniciaron as comprobacións para coñecer a situación na que se atopaba o vehículo, resultando que o turismo fora substraído no país luso. Foron o propios policías quenes iniciaron tódolos trámites da recuperación do citado vehículo

E finalmente a Policía Local mosense detallou que, no eido viario, as intervencións policiais encadráronse dentro dos controis específicos que a Policía Local ven realizando polas dintintas parroquias do Concello de Mos nos últimos meses, que teñen como obxectivo a detección deste tipo de delitos, que afectan á seguridade viaria. Dándose conta á Autoridade Xudicial de dúas investigacións por presuntos delitos contra a seguridade viaria.