Esta fin de semana iniciarase a programación con motivo das Festas da Rosa 2016. A concelleira de Cultura, Sara Cebreiro, e o edil mosense de Deportes, Alberto Méndez, informaron hoxe de que os actos comezarán o sábado 4 de xuño co I Trofeo de Patinaxe “Rosaleira-Vila de Mos” a partir das 16.30 horas no Pavillón Óscar Pereiro, que se repetirá ó día seguinte no mesmo lugar pero a partir das 9.30 horas e ó longo de todo o día.

O sábado compretirán os Grupos de Show e Cuarteros en horario de 16.30 horas a 20.00 horas e ó remate da xornada realizarase a entrega de premios. Os equipos que participarán pasado mañá son o Club C.A.P. Rosaleira de Mos, o Club Deportivo Eixo Gondomar, o Club C.P.A. Ribex, o Club Apóstol Santiago, o Club Luar, o C.P.A Brincadeira, o Club Deportivo Fontiñas, Patín Oroso, Club Campelas, Club Patinaxe Sarela e Raiola de Ferrol.

E o domingo 5 de xuño terán lugar as competicións de Modalidade de Iniciación e Modalidade de Niveis dende as 9.30 horas e ata as 14.00 horas (momento no que se fará a entrega de trofeos ós equipos que xa teñan rematado a súa actuación). Pola tarde, de 15.00 horas e 20.00 horas continuarase coa disputa da Modalidade de Niveis e a súa correspondente entrega de premios.

Os clubes participantes o domingo na I Edición do Trofeo de Patinaxe “Rosaleira-Vila de Mos” serán Club C.A.P. Rosaleira de Mos, Club Deportivo Eixo Gondomar, Club C.P.A Ribex, Club D. Ourela, Club Luar, C.P.A Brincadeira, Patín Velúa Malpica, Patín Oroso, Club Campelas, Club Patinaxe Sarela, Raiola de Ferrol, Club Compañía de María, C.P.A Fénix, Club Buxaina de Ferrol e Club Anca de Lugo.