Un home resultou ferido despois de chocar co vehículo que manexaba contra un poste da luz. No momento de producirse o accidente, o vehículo circulaba pola PO-841, no punto quilométrico 17, á altura do termo municipal de A Estrada. Ás 07:44 horas de hoxe, un particular chamaba ao CAE 112 Galicia para alertar do suceso. Ademais, indicaba que o condutor podía estar atrapado no interior do turismo. Así, dende o 112 Galicia, alertouse a Urxencias Médicas, Bombeiros do Deza e aos efectivos do GES de A Estrada que, unha vez no lugar, puideron sacar á persoa do interior do vehículo sen que fose preciso o emprego do material de excarceración. Debido ao forte impacto, o poste de alumeado público quedou tirado na estrada, polo que, o persoal do 112 Galicia pasou aviso á empresa subministradora  de electricidade. A intervención dos axentes de Tráfico, persoal de Protección Civil da localidade e do servizo de mantemento da estrada tamén foi requirida polo 112 Galicia.