Axentes do Grupo de Menores da Policía Autonómica de Vigo veñen de informar da detención dun home en Vigo como presunto autor dun delito de abusos e provocación sexual con menores.

A Policía Autonómica en colaboración con policías do SAF da Comisaría Local da Policía Nacional de Vigo e con funcionarios do Servizo de Menores da Xunta de Galicia procederon á  detención dun varón por un presunto delito de abusos e provocación sexual a menores.

A detención foi no propio colexio do menor cando intentaba recollelo dentro do horario escolar. O detido é o padrastro do menor, e xa estaba sendo investigado por un presunto delito de abuso sexual.

Por estes feitos instruíronse dilixencias na Comisaría da Policía Nacional de Vigo.