A concellería mosense de Educación e Participación Cidadá, en colaboración coa de Deportes, organiza un “Campus Multiactividade”. A actividade realizase do 11 ao 15 de xullo na praia de Patos. Ademáis de surf, faranse outras actividades como padel surf, kayak, etc.

O prazo para as inscricións rematará o día 30 de xuño. As persoas interesadas en participar nesta actividade deberán inscribirse no Rexistro Xeral ou na oficina da OMIX do Concello de Mos, ou a través do correo electrónico: omix@concellomos.es

A folla de inscrición poderase recoller na OMIX, no Rexistro Xeral do Concello de Mos, ou ben descargándoa da web do concello: www.concellomos.es. Para inscribirse deberán presentar a solicitude asinada, unha fotocopia do DNI e para os escolarizados que non estean empadroados no Concello, tamén unha copia do certificado de escolaridade.

O campus impartirase do 11 ó 15 de xullo en horario matinal das 09:30 horas ás 14:30 horas. Os destinatarios desta iniciativa son os nenos e nenas, mozos e mozas con idades comprendidas entre os 10 e os 17 anos preferentemente empadroados no Concello de Mos.

Trátase dunha actividade lúdica-deportiva para ofertar alternativas de ocio e tempo libre con carácter lúdico, participativo e igualitario co propósito de favorecer a diversión, así como o desenvolvemento persoal e social.

Con esta actividade, preténdese, que os nenos e nenas aprendan xogando e divertíndose nunha actividade-física deportiva, ao mesmo tempo que gozan dun entorno incomparable e cambiante.

Deste modo, dende a concellaría de Educación e Participación Cidadá en colaboración coa concellaría de Deportes ofrécese a posibilidade de realizar  novamente cursos de iniciación e perfeccionamento ó surf; intentando satisfacer as demandas e os distintos gustos dos nenos e nenas.

Para levar a cabo dita actividade, cóntase co club deportivo Prado Surf que se encargará da ensinanza teórica e práctica desta modalidade deportiva acuática. Terán preferencia os empadroados e/ou escolarizados en Mos. En caso de que non se cumprimenten todas as prazas, poderán acceder persoas que non cumpran os requisitos de idade ou poboación non empadroada no Concello.

O prezo da actividade para os  participante será de 90 euros. A actividade desenvolverase na praia de Patos situada na localidade pontevedresa de Nigrán.