O goberno de Nigrán levará ao pleno do xoves unha moción na que propón a prohibición de empregar o herbicida de acción rápida glifosato en tódolos lugares públicos do municipio para sustituílo por solucións non contaminantes. Para elo solicita tamén á Xunta que non o bote tampouco na rede viaria de competencia autonómica que atravesa Nigrán.

O glifosato é o herbicida máis empregado en Galicia en cunetas pese a estar catalogado pola Organización Mundial da Saúde como “probablemente canceríxeno para o ser humano” e supor un risco para a poboación, traballadores que o empregan, gando, flora e fauna, extendéndose  súa toxicidade ao chan e as augas.

 

A Unión Europea aprobou recentemente unha resolución non vinculante que pide que se limite a “usos profesionais” e que se exclúa en parques, zonas de xogo ou xardíns. En Francia estúdase prohibir a súa venda

 

Recentemente a Unión Europea aprobou unha nova moratoria para permitir o seu uso sete anos máis aínda que no texto recolle “que se limite a usos profesionais” e que se exclúa en parques, zonas de xogo ou xardíns polo risco que supón para as persoas. “Debemos apoiar un modelo de agricultura ecolóxica, que non dependa de sustancias perigosas e respete a saúde e o medio ambiente; non se pode nunca defender o seu uso alegando reducción de custes. Temos a oportunidade de ser un municipio libre de este perigo grazas a aplicar políticas de precaución ben documentadas”, indica Juan González, alcalde de Nigrán, quen aposta por concienciar a tódolos colectivos e entidades do municipio para que erradiquen tamén o seu uso doméstico.

Segundo recolle a propia moción, o glifosato é un herbicida total non selectivo que numerosos estudos científicos vinculan con afeccións e enfermidades relacionadas con danos xenéticos, trastornos reproductivos ou endocrinos, aumento de anomalías espérmicas e carcinoses. Ademáis, cada preparado que o contén ven acompañado de sustancias que facilitan a súa absorción e multiplican a súa toxicidade.