O Concello de Gondomar, a través da Concellería de Deportes, Nuria Lameiro,  e en colaboración con Cereixa Gondomar FS, organizan o Torneo Fútbol Sala San Bieito, IV Trofeo Concello de Gondomar, que se xogará do 4 ó 9 de xullo no Pavillón Municipal.

Os equipos interesados en inscribirse a este torneo poderán facelo ata o venres 1 de xullo ás 20:00 h., día no que se fará unha reunión no Centro Neural de Gondomar para explicar a dinámica do torneo.

Ao final do torneo farase  entrega dos premios en metálico e dos trofeos. Para o primeiro clasificado 700 € e trofeo, para o segundo 300 € e trofeo e para o terceiro e cuarto clasificados 75 € e trofeo.  O equipo máximo goleador, o equipo menos goleado e o equipo que mostre máis deportividade tamén terán o seu trofeo.

As inscricións, cun prezo de 120 euros + 20 euros de fianza, poderán facerse a través do 609 282 753.