Un ano máis a Asociación As Xoaniñas da Rectoral, de Fornelos da Ribeira – Salvaterra de Miño, organizan no primeiro sábado de xullo - pola tarde, o seu encontro anual de Palilleiras e Multilabores, onde se reúnen máis de 200 palilleiras de toda Galicia.

 
Pero son moitas as que deciden acercarse xa ao noso Concello pola mañá, xa que a propia Asociación ofrece unha oferta turística para todas aquelas que se queiran achegar a disfrutar da gran beleza do noso municipio, a partir das 11.00h un grupo de máis de 50 persoas serán recibidas no Concello polo Alcalde, Don Arturo Grandal, e despois embarcaranse nun paseo nun tren turístico polos lugares máis emblemáticos de Salvaterra e do seu veciño Monçao, con parada en adegas da zona onde se realizará unha cata de viños, non nos podemos esquecer que Salvaterra de Miño é a Capital do Viño do Condado do Tea.

 
Despois da comida, ás 16.30h dará comezo o encontro de Palilleiras, onde está confirmada a presencia xa de máis de 200 palilleiras, vidas de toda a contorna de Galicia, ademais está confirmada a presencia ao acto tanto da Secretaria de Turismo de Galicia Dona Nava Castro, como do Alcalde Don Arturo Grandal.